ຮຽນທ່ານຜູ້ໃຊ້ທີ່ນັບຖື,
ບໍລິສັດ Huawei Device Co., Ltd. ແລະ ສາຂາບໍລິສັດທົ່ວໂລກຂອງຕົນເອງ ("Huawei", "ພວກເຮົາ", "ຂອງພວກເຮົາ", ແລະ "ພວກເຮົາເອງ") ເຂົ້າໃຈວ່າ ຄວາມເປັນສ່ວນຕົວມີຄວາມສຳຄັນກັບທ່ານເທົ່າໃດ ແລະ ໃຫ້ຄຳໝັ້ນສັນຍາຢ່າງເຕັມທີ່ ເພື່ອປົກປ້ອງມັນ. ກະລຸນາຢ່າສົ່ງຂໍ້ມູນບຸກຄົນ ຫຼື ສ່ວນຕົວໃດໜຶ່ງແກ່ Huawei ກ່ອນທີ່ທ່ານໄດ້ອ່ານ, ເຂົ້າໃຈ ແລະ ເຫັນດີກັບນະໂຍບາຍນີ້ ("ນະໂຍບາຍນີ້") ແລ້ວ.
ພວກເຮົາສ້າງນະໂຍບາຍນີ້ຂຶ້ນມາ ເພື່ອຊ່ວຍໃຫ້ທ່ານເຂົ້າໃຈວ່າ:
1) Huawei ໃຊ້ຂໍ້ມູນສ່ວນຕົວຂອງທ່ານແນວໃດ
2) Huawei ໃຊ້ຄຸກກີ້ ແລະ ເຕັກໂນໂລຊີຄ້າຍຄືກັນນັ້ນແນວໃດ
3) Huawei ເປີດເຜີຍຂໍ້ມູນສ່ວນຕົວຂອງທ່ານແນວໃດ
4) ວິທີເຂົ້າຫາ ຫຼື ດັດແປງຂໍ້ມູນສ່ວນຕົວຂອງທ່ານ
5) Huawei ປົກປ້ອງຂໍ້ມູນສ່ວນຕົວຂອງທ່ານແນວໃດ
6) Huawei ຈັດການຂໍ້ມູນສ່ວນຕົວຂອງເດັກນ້ອຍແນວໃດ
7) ຜູ້ໃຫ້ບໍລິການບຸກຄົນທີສາມຂອງ Huawei ແລະ ການບໍລິການຂອງເຂົາເຈົ້າ
8) ຂໍ້ມູນສ່ວນຕົວຂອງທ່ານຖືກໂອນໄປຕ່າງປະເທດແນວໃດ
9) ນະໂຍບາຍນີ້ໄດ້ຮັບການອັບເດດແນວໃດ
10) ຜູ້ໃຊ້ຕ່າງປະເທດ
11) ຈະຕິດຕໍ່ຫາ Huawei ໄດ້ແນວໃດ
ກະລຸນາຈື່ໄວ້ວ່າ ນະໂຍບາຍນີ້ນຳໃຊ້ຜູ້ໃຊ້ເຄື່ອງອີເລັກໂທຣນິກຂອງ Huawei ທັງໝົດ, ລວມທັງໂທລະສັບມີຟີເຈີ, ສະມາດໂຟນ, ແທັບເລັດ, ອຸປະກອນໃຊ້ໃນບ້ານ, ແຜ່ນຂໍ້ມູນ, ແອັບພລິເຄຊັນຄອມພິວເຕີ, ເຄື່ອງມື, ຊອບແວ, ເວັບໄຊທ໌, ແລະ ການບໍລິການທີ່ສະແດງ ຫຼື ອ້າງອີງເຖິງນະໂຍບາຍນີ້.
ນະໂຍບາຍນີ້ອະທິບາຍວ່າ Huawei ຈັດການກັບຂໍ້ມູນສ່ວນຕົວ ແລະ ບຸກຄົນແນວໃດ ແລະ ຢືນຢັນຄຳໝັ້ນສັນຍາຂອງຕົນເອງທີ່ຈະປົກປ້ອງຄວາມເປັນສ່ວນຕົວຂອງທ່ານ. ນະໂຍບາຍບໍ່ໄດ້ກ່າວເຖິງທຸກສະພາບການປະມວນຜົນຂໍ້ມູນທີ່ມຄວາມເປັນໄປໄດ້. ຂໍ້ມູນກ່ຽວກັບຜະລິດຕະພັນ ຫຼື ການເກັບຂໍ້ມູນສະເພາະການບໍລິການແມ່ນທາງ Huawei ໄດ້ອອກເປັນນະໂຍບາຍເສີມຕື່ມ. ຂໍແນະນຳໃຫ້ທ່ານອ່ານນະໂຍບາຍທັງສອງອັນນີ້ ແລະ ສິ່ງເພີ່ມເຕີມທຸກອັນ ເພື່ອໃຫ້ເຂົ້າໃຈນະໂຍບາຍວ່າດ້ວຍຄວາມເປັນສ່ວນຕົວຂອງ Huawei ໃຫ້ລະອຽດສຳລັບຜະລິດຕະພັນ ຫຼື ການບໍລິການສະເພາະ.
ຂໍ້ມູນສ່ວນຕົວແມ່ນຂໍ້ມູນທີ່ສາມາດນຳໄປໃຊ້ໃນຕົວມັນເອງ ຫຼື ໃນການປະສົມກັບຂໍ້ມູນອື່ນ, ເພື່ອລະບຸຕົວບຸກຄົນ. ຂໍ້ມູນດັ່ງກ່າວຖືກເກັບເອົາເມື່ອທ່ານໃຊ້ຜະລິດຕະພັນ ຫຼື ການບໍລິການ Huawei ແລະ ສາມາດທີ່ຈະມີຊື່ຂອງທ່ານ, ວັນເດືອນປີເກີດ, ທີ່ຢູ່, ເລກປະຈຳຕົວ, ເບີໂທລະສັບ, ເລກບັນຊີ, ຮູບ, ແລະ ສະຖານທີ່ ແລະ ວັນທີເມື່ອມີການເຂົ້າຫາຜະລິດຕະພັນ ຫຼື ການບໍລິການ. Huawei ເກັບເອົາ ແລະ ໃຊ້ຂໍ້ມູນສ່ວນຕົວຂອງທ່ານທັງໝົດເພື່ອຈຸດປະສົງຕາມທີ່ບອກໄວ້ໃນນະໂຍບາຍນີ້. ຂໍ້ມູນຕໍ່ໄປນີ້ແມ່ນຕົວຢ່າງຂອງຂໍ້ມູນສ່ວນຕົວທີ່ພວກເຮົາອາດຈະເກັບເອົາ ແລະ ວິທີທີ່ພວກເຮົາໃຊ້ມັນຄື:
1) ຂໍ້ມູນສ່ວນຕົວທີ່ Huawei ເກັບເອົາ
ພວກເຮົາອາດຈະເກັບເອົາຂໍ້ມູນສ່ວນຕົວບາງອັນ, ລວມທັງຊື່, ຮູບໂປຣໄຟລ໌ ເບີໂທລະສັບ, ທີ່ຢູ່ອີເມວ, ອາຍຸ, ແລະ ສະຖານທີ່ຂອງທ່ານ. ຕໍ່ໄປນີ້ແມ່ນບາງຕົວຢ່າງຂອງປະເພດຂໍ້ມູນສ່ວນຕົວທີ່ພວກເຮົາອາດຈະເກັບເອົາ.
a. ຂໍ້ມູນທີ່ທ່ານສົ່ງໂດຍກົງ: ຈຳນວນຂອງການບໍລິການ Huawei ອະນຸຍາດໃຫ້ທ່ານສ້າງບັນຊີ ຫຼື ໂປຣໄຟລ໌ໄດ້. ທ່ານອາດຈະໄດ້ຮັບການຂໍໃຫ້ສະໜອງຂໍ້ມູນບັນຊີເຊັ່ນ: ທີ່ຢູ່ອີເມວ, ທີ່ຢູ່ການຈັດສົ່ງ, ເບີໂທລະສັບ, ຂໍ້ມູນຜະລິດຕະພັນ, ເວລາຂອງການຊື້, ແລະ ວິທີການຊຳລະຂອງທ່ານນຳ. ຖ້າທ່ານໃຊ້ການບໍລິການຂອງ Huawei ເພື່ອແຊຣ໌ເນື້ອໃນກັບໝູ່ເພື່ອນຂອງທ່ານ, ພວກເຮົາອາດຈະຕ້ອງການໃຫ້ທ່ານບອກຂໍ້ມູນຕິດຕໍ່ຂອງເຂົາເຈົ້າ, ລວມທັງຊື່, ຮູບໂປຣໄຟລ໌ ເບີໂທລະສັບ, ແລະ ທີ່ຢູ່ອີເມວຂອງເຂົາເຈົ້ານຳ. ການບໍລິການຂອງ Huawei ບາງອັນອະນຸຍາດໃຫ້ທ່ານສື່ສານ ແລະ ແຊຣ໌ຂໍ້ມູນກັບຄົນອື່ນໄດ້. ການສື່ສານດັ່ງກ່າວທັງໝົດແມ່ນປອດໄພ. ຖ້າທ່ານປະສົບກັບການຂັດຂ້ອງໃດໜຶ່ງໃນຂະນະທີ່ກຳລັງໃຊ້ອຸປະກອນ ຫຼື ແອັບພລິເຄຊັນຂອງ Huawei, ທ່ານສາມາດເລືອກສົ່ງລາຍລະອຽດການຂັດຂ້ອງຫາ Huawei ໄດ້.
b. ຂໍ້ມູນການໃຊ້ບໍລິການ: ພວກເຮົາອາດຈະເກັບເອົາຂໍ້ມູນລະບົບ ແລະ ແອັບພລິເຄຊັນຈາກອຸປະກອນຂອງທ່ານ, ລວມທັງຊື່ອຸປະກອນ, ເວີຊັນຂອງລະບົບ ແລະ ແອັບພລິເຄຊັນ, ການຕັ້ງຄ່າພາກພື້ນ ແລະ ພາສາ, ເວີຊັນອຸປະກອນ, ເລກລະບຸອຸປະກອນ (IMEI, ESN, MEID, ແລະ SN), ທີ່ຕັ້ງບ່ອນຢູ່ (ເຊັ່ນ ID ຂອງພື້ນທີ່ບ່ອນອຸປະກອນຂອງທ່ານຢູ່), ID ເຄືອຂ່າຍຜູ້ໃຫ້ບໍລິການ (PLMN), ນິໄສການນຳໃຊ້, ແລະ ທີ່ຢູ່ IP. ພວກເຮົາຍັງອາດຈະບັນທຶກເອົາເວລາການເຂົ້າໃຊ້ບໍລິການຂອງທ່ານ, ຊອກຫາເງື່ອນໄຂຄຳຖາມ, ແລະ ຂໍ້ມູນເກັບໄວ້ໃນຄຸກກີ້ໃນອຸປະກອນຂອງທ່ານນຳ.
c. ຂໍ້ມູນບຸກຄົນທີສາມ: ພວກເຮົາອາດຈະໄດ້ຮັບຂໍ້ມູນກ່ຽວກັບທ່ານຈາກແຫຼ່ງຂໍ້ມູນສາທາລະນະ ແລະ ທາງການຄ້າທີ່ມີຢູ່ຕາມກົດໝາຍອະນຸມັດ. ພວກເຮົາຍັງອາດຈະໄດ້ຮັບຂໍ້ມູນກ່ຽວກັບທ່ານຈາກການບໍລິການເຄືອຂ່າຍສັງຄົມບຸກຄົນທີສາມເຊັ່ນ: ເມື່ອທ່ານເຂົ້າສູ່ລະບົບຫາເວັບໄຊທ໌ຂອງພວກເຮົາດ້ວຍການໃຊ້ບັນຊີ Facebook ຫຼື Twitter ຂອງທ່ານ.
2) Huawei ໃຊ້ຂໍ້ມູນສ່ວນຕົວຂອງທ່ານແນວໃດ
ພວກເຮົາອາດຈະໃຊ້ຂໍ້ມູນສ່ວນຕົວຂອງທ່ານເພື່ອ:
a. ປະກອບໃບສັ່ງຊື່ໃຫ້ຄົບຖ້ວນ; ຈັດສົ່ງ, ເປີດນຳໃຊ້, ຫຼື ກວດສອບຜະລິດຕະພັນ ຫຼື ການບໍລິການ; ດຳເນີນການປ່ຽນແປງຕາມຄຳຂໍຂອງທ່ານ; ແລະ ໃຫ້ການຊ່ວຍເຫຼືອທາງດ້ານວິຊາການ.
b. ຕິດຕໍ່ຫາທ່ານ; ສົ່ງຂໍ້ມູນກ່ຽວກັບຜະລິດຕະພັນ ແລະ ການບໍລິການທີ່ອາດຈະຢູ່ໃນຄວາມສົນໃຈໃຫ້ແກ່ທ່ານ; ເຊີນທ່ານເຂົ້າຮ່ວມໃນການໂຄສະນາ ແລະ ການສຳຫຼວດຕະຫຼາດ Huawei; ຫຼື ສົ່ງຂໍ້ມູນການຕະຫຼາດພ້ອມຄຳຍິນຍອມຈະແຈ້ງໃຫ້ກັບທ່ານ. ຖ້າທ່ານບໍ່ໄດ້ຮັບຂໍ້ມູນດັ່ງກ່າວ, ທ່ານສາມາດເລືອກອອກໄປໃນເວລາໃດກໍ່ໄດ້.
c. ແຈ້ງໃຫ້ທ່ານຊາບກ່ຽວກັບການອັບເດດລະບົບໃຊ້ງານ ຫຼື ແອັບພລິເຄຊັນ ແລະ ຕິດຕັ້ງພວກມັນ.
d. ໃຫ້ປະສົບການຜູ້ໃຊ້ເປັນສ່ວນຕົວ ແລະ ເນື້ອໃນເປັນສ່ວນຕົວແກ່ທ່ານ, ແລະ ເປີດນຳໃຊ້ການບໍລິການຫຼັງການຂາຍຂອງທ່ານ.
e. ດຳເນີນການກວດສອບພາຍໃນ, ການວິເຄາະຂໍ້ມູນ, ແລະ ການຄົ້ນຄວ້າ ເພື່ອປັບປຸງຜະລິດຕະພັນ ແລະ ການບໍລິການຂອງພວກເຮົາ.
f. ວິເຄາະປະສິດທິພາບການດຳເນີນທຸລະກິດຂອງພວກເຮົາ ແລະ ວັດແທກສ່ວນແບ່ງຕະຫຼາດຂອງພວກເຮົາ.
g. ປັບປຸງການສື່ສານຂອງລູກຄ້າ ແລະ ຮັບປະກັນໃຫ້ມີການບໍລິການທີ່ປອດໄພ, ໄດ້ຄຸນນະພາບແກ່ລູກຄ້າ.
h. ແກ້ໄຂຂໍ້ຂັດຂ້ອງ ຖ້າທ່ານເລືອກທີ່ຈະສົ່ງລາຍລະອຽດການຂັດຂ້ອງໃຫ້ແກ່ພວກເຮົາ.
i. ຊິງໂຄຣໄນ, ແຊຣ໌, ແລະ ເກັບຮັກສາຂໍ້ມູນທີ່ທ່ານອັບໂຫຼດ ຫຼືດາວໂຫຼດ ແລະ ຂໍ້ມູນທີ່ຕ້ອງການ ເພື່ອຈັດຕັ້ງປະຕິບັດການອັບໂຫຼດ ແລະ ການດາວໂຫຼດ.
j. ປັບປຸງການປ້ອງກັນການເສຍ ແລະ ໂຄງການຕ້ານການຍັກຍອກຂອງພວກເຮົາ.
3) ການບໍລິການທີ່ອີງໃສ່ທີ່ຕັ້ງ
ເມື່ອທ່ານເຂົ້າຫາການບໍລິການອີງໃສ່ທີ່ຕັ້ງສະເພາະ, ຕົວຢ່າງ ເມື່ອທ່ານທຳການຊອກຫາ, ໃຊ້ຊອບແວການນຳທາງ, ຫຼື ກວດເບິ່ງສະພາບອາກາດສຳລັບສະຖານທີ່ສະເພາະ, Huawei ອາດຈະເກັບເອົາ, ໃຊ້, ແລະ ປະມວນຜົນທີ່ຕັ້ງທີ່ແນ່ນອນ ຫຼື ບໍ່ຊັດເຈນຂອງອຸປະກອນຂອງທ່ານ. ອັນນີ້ມີຄວາມຈຳເປັນສຳລັບ Huawei ເພື່ອໃຫ້ການບໍລິການທີ່ກ່າວມາຂ້າງເທິງນັ້ນ. Huawei ອາດຈະເກັບເອົາເລກລະບຸອຸປະກອນຂອງທ່ານ (IMEI, ESN, MEID, ແລະ SN), ປະເພດອຸປະກອນ, ລຸ້ນ, ແລະ ຂໍ້ມູນຈຸດທີ່ຕັ້ງສົດ (ທີ່ໄດ້ຮັບມາຜ່ານ GPS, Wi-Fi, ແລະ ID ເຄືອຂ່າຍຂອງຜູ້ໃຫ້ບໍລິການຂອງທ່ານ). Huawei ເກັບກຳຂໍ້ມູນຈຸດທີ່ຕັ້ງ ເພື່ອໃຫ້ ແລະປັບປຸງຜະລິດຕະພັນ ແລະ ການບໍລິການອີງໃສ່ຈຸດທີ່ຕັ້ງ.
ພວກເຮົາອາດຈະຖາມທ່ານວ່າ ແອັບພລິເຄຊັນໃດທີ່ທ່ານຕ້ອງການໃຫ້ເປີດໃຊ້ງານການບໍລິການອີງໃສ່ຈຸດທີ່ຕັ້ງ. ທ່ານສາມາດເລືອກທີ່ຈະບໍ່ແຊຣ໌ຂໍ້ມູນທີ່ຕັ້ງຂອງທ່ານໄດ້ ໂດຍການປິດການບໍລິການອີງໃສ່ຈຸດທີ່ຕັ້ງຢູ່ໃນອຸປະກອນຂອງທ່ານ. ສຳລັບຂໍ້ມູນລະອຽດກ່ຽວກັບວິທີປິດໃຊ້ງານການບໍລິການອີງໃສ່ຈຸດທີ່ຕັ້ງ, ກະລຸນາຕິດຕໍ່ຜູ້ຄວບຄຸມເຄືອຂ່າຍຂອງທ່ານ.
4) ການເກັບເອົາ ແລະນຳໃຊ້ຂໍ້ມູນທີ່ບໍ່ສາມາດລະບຸໄດ້
ຂໍ້ມູນທີ່ບໍ່ສາມາດລະບຸໄດ້ໝາຍເຖິງຂໍ້ມູນທີ່ບໍ່ສາມາດໃຊ້ ເພື່ອລະບຸຕົວບຸກຄົນໄດ້. ຕົວຢ່າງ, Huawei ອາດຈະເກັບເອົາຂໍ້ມູນສະຖິຕິລວມເຊັ່ນ: ຈຳນວນຂອງຜູ້ເຂົ້າມາເບິ່ງເວັບໄຊທ໌ຂອງມັນ. Huawei ເກັບເອົາຂໍ້ມູນນີ້ ເພື່ອໃຫ້ເຂົ້າໃຈວ່າ ຄົນໃຊ້ເວັບໄຊທ໌, ຜະລິດຕະພັນ, ແລະ ການບໍລິການຂອງມັນແນວໃດ. ອັນນີ້ອະນຸຍາດໃຫ້ Huawei ປັບປຸງການບໍລິການຂອງມັນເອົງ ເພື່ອເຮັດໃຫ້ລູກຄ້າມີຄວາມພໍໃຈຕາມຄວາມຕ້ອງການໄດ້ດີຂຶ້ນ. ຕາມດຸນພິນິດຂອງຕົນເອງແລ້ວ, Huawei ອາດຈະເກັບເອົາ, ໃຊ້, ປະມວນຜົນ, ໂອນ, ຫຼື ເປີດເຜີຍຂໍ້ມູນທີ່ບໍ່ສາມາດລະບຸຕົວ ເພື່ອຈຸດປະສົງອື່ນໆໄດ້.
ພວກເຮົາພະຍາຍາມທີ່ຈະຮັກສາຂໍ້ມູນສ່ວນຕົວຂອງທ່ານ ແລະ ຂໍ້ມູນບໍ່ສາມາດລະບຸໄດ້ໄວ້ແຍກກັນ, ແລະ ໃຊ້ແຕ່ລະອັນຢ່າງເປັນເອກະລາດ. ຖ້າມີການເອົາຂໍ້ມູນສ່ວນຕົວລວມໄວ້ກັບຂໍ້ມູນບໍ່ສາມາດລະບຸຕົວໄດ້, ມັນຈະຖືກຮັກສາໄວ້ເປັນຂໍ້ມູນສ່ວນຕົວ.
1) ຄຸກກີ້
ເພື່ອຮັບປະກັນໃຫ້ເວັບໄຊທ໌ຂອງພວກເຮົາໃຊ້ງານໄດ້ຢ່າງຖືກຕ້ອງ, ບາງຄັ້ງພວກເຮົາຈະເກັບຮັກສາໄຟລ໌ຂໍ້ມູນຂະໜາດນ້ອຍທີ່ຮູ້ຈັກໃນນາມເປັນຄຸກກີ້ໄວ້ຢູ່ໃນຄອມພິວເຕີ ຫຼື ອຸປະກອນມືຖື. ຄຸກກີ້ເປັນໄຟລ໌ຂໍ້ຄວາມທຳມະດາທີ່ຖືກເກັບໄວ້ຢູ່ໃນຄອມພິວເຕີ ຫຼື ອຸປະກອນຂອງທ່ານໂດຍເຊີເວີເວັບ. ມີພຽງແຕ່ເຊີເວີທີ່ສ້າງຄຸກກີ້ເທົ່ານັ້ນທີ່ສາມາດກູ້ຄືນ ຫຼື ອ່ານເນື້ອໃນຄຸກກີ້ໄດ້. ຄຸກກີ້ແຕ່ລະອັນແມ່ນເປັນອັນສະເພາະກັບບຣາວເຊີເວັບ ຫຼື ແອັບພລິເຄຊັນມືຖືຂອງທ່ານ. ປົກກະຕິແລ້ວນັ້ ຄຸກກີ້ມີຕົວລະບຸຕົວຕົນ, ຊື່ເວັບໄຊທ໌, ແລະ ຕົວເລກ ແລະ ຕົວອັກສອນບາງຕົວ. ຄຸກກີ້ອະນຸຍາດໃຫ້ເວັບໄຊທ໌ເກັບຮັກສາຂໍ້ມູນເຊັ່ນ: ຄວາມມັກຜູ້ໃຊ້ຂອງທ່ານ ຫຼືເນື້ອໃນຂອງກະຕ່າຊອບປິ້ງຂອງທ່ານ.
ເວັບໄຊທ໌ຂະໜາດໃຫຍ່ ຫຼື ຜູ້ໃຫ້ບໍລິການອິນເຕີເນັດສ່ວນໃຫຍ່ເປີດໃຊ້ງານຄຸກກີ້ ເພື່ອປັບປຸງປະສົບການຜູ້ໃຊ້ຂອງເຂົາເຈົ້າ. ຄຸກກີ້ອະນຸຍາດໃຫ້ເວັບໄຊທ໌ຈື່ຜູ້ໃຊ້, ບໍ່ວ່າຈະເປັນການເຂົ້າເບິ່ງພຽງຄັ້ງດຽວ (ດ້ວຍການໃຊ້ຄຸກກີ້ເຊສຊັນ) ຫຼື ສຳລັບການເຂົ້າເບິ່ງຊ້ຳ (ດ້ວຍການໃຊ້ຄຸກກີຄົງຕົວຢູ່). ຄຸກກີ້ອະນຸຍາດໃຫ້ເວັບໄຊທ໌ເກັບຮັກສາການຕັ້ງຄ່າເຊັ່ນ: ພາສາ, ຟ້ອນຕົວໜັງສື, ຂະໜາດ, ແລະ ຄວາມມັກການເຂົ້າເບິ່ງອື່ນໆສຳລັບຄອມພິວເຕີ ຫຼື ອຸປະກອນມືຖືຂອງທ່ານ. ອັນນີ້ໝາຍຄວາມວ່າ ຄວາມມັກຂອງຜູ້ໃຊ້ບໍ່ຈຳເປັນຕ້ອງໄດ້ຮັບການປັບຕັ້ງຢູ່ໃນການເຂົ້າເບິ່ງແຕ່ລະເທື່ອ. ຖ້າເວັບໄຊທ໌ບໍ່ໃຊ້ຄຸກກີ້, ມັນຈະຖືວ່າ ຜູ້ໃຊ້ຂອງມັນເປັນຜູ້ເຂົ້າມາເບິ່ງໃໝ່ທຸກໆຄັ້ງທີ່ພວກມັນເປີດໜ້າໃໝ່ຂຶ້ນມາ. ຕົວຢ່າງ, ຖ້າທ່ານເຂົ້າສູ່ລະບົບຢູ່ໃນເວັບໄຊທ໌ ແລະ ຍ້າຍໄປສູ່ໜ້າອື່ນ, ເວັບໄຊທ໌ຈະບໍ່ຮັບຮູ້ທ່ານ, ແລະ ທ່ານຈະຖືກນຳອອກລະບົບອີກ.
Huawei ບໍ່ໃຊ້ຄຸກກີ້ເພື່ອຈຸດປະສົງອື່ນນອກເໜືອຈາກທີ່ໄດ້ລະບຸໄວ້ໃນນະໂຍບາຍນີ້. ທ່ານສາມາດຈັດການ ຫຼື ລຶບຄຸກກີ້ໄດ້ຕາມຄວາມມັກຂອງທ່ານ. ສຳລັບຂໍ້ມູນເພີ່ມເຕີມ, ເບິ່ງ AboutCookies.org. ທ່ານສາມາດລຶບທຸກຄຸກກີ້ທີ່ເກັບໄວ້ຢູ່ໃນຄອມພິວເຕີຂອງທ່ານໄດ້ ແລະ ບຣາວເຊີເວັບສ່ວນໃຫຍ່ກໍ່ສາມາດປັບຕັ້ງໃໝ່ ເພື່ອບລັອກຄຸກກີ້ໄດ້. ເຖິງແນວໃດກໍ່ຕາມ, ຖ້າທ່ານເຮັດແນວນັ້ນ, ທ່ານອາດຈະຕ້ອງໄດ້ປັບການຕັ້ງຄ່າຜູ້ໃຊ້ຂອງທ່ານເອົາເອງທຸກໆຄັ້ງທີ່ທ່ານເຂົ້າເບິ່ງເວັບໄຊທ໌ຂອງພວກເຮົາ. ສຳລັບຂໍ້ມູນເພີ່ມເຕີມກ່ຽວກັບວິທີປ່ຽນການຕັ້ງຄ່າບຣາວເຊີຂອງທ່ານ, ກະລຸນາເຂົ້າເບິ່ງລິ້ງຕໍ່ໄປນີ້ຄື: <Internet Explorer>, <Google Chrome>,< Mozilla Firefox>, <Safari>, ແລະ <Opera>.
2) ໄຟເຕືອນເວັບ ແລະ ແທັກພິກເຊລ
ນອກຈາກຄຸກກີ້ແລ້ວ, ພວກເຮົາຍັງໃຊ້ເຕັກໂນໂລຊີຄ້າຍຄືກັນເຊັ່ນ: ໄຟເຕືອນເວັບ ແລະ ແທັກພິກເຊລຢູ່ໃນເວັບໄຊທ໌ຂອງພວກເຮົາ. ຕົວຢ່າງ, ເມື່ອທ່ານໄດ້ຮັບອີເມວຈາກ Huawei, ມັນອາດຈະມີ URL ຄລິກຜ່ານ ເຊິ່ງລິ້ງໃສ່ເນື້ອໃນຢູ່ໃນເວັບໄຊທ໌ຂອງ Huawei. ຖ້າທ່ານຄລິກໃສ່ລິ້ງ, ການຄລິກຜ່ານຖືກຕິດຕາມໂດຍ Huawei ເພື່ອຊ່ວຍໃຫ້ພວກເຮົາຮຽນຮູ້ກ່ຽວກັບຄວາມມັກຜະລິດຕະພັນ ແລະ ການບໍລິການຂອງທ່ານ ແລະ ປັບປຸງການບໍລິການລູກຄ້າຂອງພວກເຮົາ. ຕາມທຳມະດາແລ້ວ ໄຟເຕືອນເວັບແມ່ນຮູບໂປ່ງແສງ ທີ່ຝັງຕິດໄວ້ຢູ່ໃນເວັບໄຊທ໌ ຫຼື ຢູ່ໃນອີເມວ. ການລວມເອົາແທັກພິກເຊລເຂົ້າໃນອີເມວເຮັດໃຫ້ພວກເຮົາຮູ້ວ່າ ອີເມວຂອງພວກເຮົາຖືກເປີດອ່ານແລ້ວບໍ. ຖ້າທ່ານບໍ່ຕ້ອງການໃຫ້ກິດຈະກຳຕ່າງໆຂອງທ່ານໄດ້ຮັບການຕິດຕາມໃນວິທີທາງດັ່ງກ່າວ, ທ່ານອາດຈະຖອນສະໝັກຈາກລາຍການເມວ Huawei ໃນເວລາໃດກໍ່ໄດ້.
3) ຢ່າຕິດຕາມ
ບຣາວເຊີເວັບຫຼາຍອັນມີຟີເຈີຢ່າຕິດຕາມ, ເຊິ່ງອອກຄຳຂໍຢ່າຕິດຕາມໃຫ້ເວັບໄຊທ໌ຕ່າງໆ. ປະຈຸບັນນີ້, ອົງການມາດຕະຖານອິນເຕີເນັດຕົ້ນຕໍບໍ່ມີນະໂຍບາຍຄຸ້ມຄອງວ່າ ຈະໃຫ້ເວັບໄຊທ໌ຄວນເຮັດແນວໃດ ເມື່ອໄດ້ຮັບການຂໍດັ່ງກ່າວ. ເຖິງແນວໃດກໍ່ຕາມ, ທຸກເວັບໄຊທ໌ຂອງ Huawei ໃຫ້ຄວາມເຄົາລົບຕໍ່ທາງເລືອກຢ່າຕິດຕາມ ຖ້າມັນເປີດໃຊ້ງານໄວ້ຢູ່ໃນບຣາວເຊີຂອງທ່ານ.
Huawei ບໍ່ຂາຍຂໍ້ມູນສ່ວນຕົວຂອງທ່ານໃຫ້ກັບບຸກຄົນທີສາມ. ເຖິງແນວໃດກໍ່ຕາມ, Huawei ອາດຈະເປີດເຜີຍຂໍ້ມູນສ່ວນຕົວຂອງທ່ານພາຍໃຕ້ສະພາບການຕໍ່ໄປນີ້ຄື:
1) ການເປີດເຜີຍດ້ວຍການຍິນຍອມຈະແຈ້ງຄື: ຫຼັງຈາກໄດ້ຮັບການອະນຸມັດຈະແຈ້ງຂອງທ່ານແລ້ວ, Huawei ອາດຈະແຊຣ໌ຂໍ້ມູນສ່ວນຕົວຂອງທ່ານກັບຝ່າຍອື່ນ.
2) ການເປີດເຜີຍໃຫ້ກັບບໍລິສັດໃນກຸ່ມຂອງ Huawei: ຂໍ້ມູນສ່ວນຕົວຂອງທ່ານອາດຈະຖືກນຳໄປແຊຣ໌ກັບບໍລິສັດໃນກຸ່ມຂອງ Huawei. ຕາມເລື່ອງຂອງນະໂຍບາຍແລ້ວ, ພວກເຮົາຈະເປີດເຜີຍຂໍ້ມູນທີ່ມີຄວາມຈຳເປັນເທົ່ານັ້ນ.
3) ການເປີດເຜີຍໃຫ້ກັບຫຸ້ນສ່ວນທີ່ໄດ້ຮັບສິດອື່ນໆ ("ຫຸ້ນສ່ວນຂອງພວກເຮົາ"): ການບໍລິການບາງອັນຂອງ Huawei ແມ່ນຫຸ້ນສ່ວນຂອງພວກເຮົາສະໜອງໃຫ້. Huawei ອາດຈະແຊຣ໌ຂໍ້ມູນສ່ວນຕົວບາງອັນຂອງທ່ານໃຫ້ກັບຫຸ້ນສ່ວນຂອງຕົນເອງ ເພື່ອໃຫ້ການບໍລິການແກ່ລູກຄ້າໄດ້ດີຂຶ້ນ ແລະ ໃຫ້ປະສົບການຜູ້ໃຊ້ທີ່ໄດ້ຮັບການປັບປຸງດີຂຶ້ນ. ຕົວຢ່າງ, ເມື່ອທ່ານຊື້ຜະລິດຕະພັນຂອງ Huawei ທາງອອນລາຍ, Huawei ຕ້ອງແຊຣ໌ຂໍ້ມູນສ່ວນຕົວຂອງທ່ານກັບຜູ້ໃຫ້ບໍລິການຈັດສົ່ງ ເພື່ອກຳນົດເວລາການຈັດສົ່ງ, ຫຼື ຈັດແຈງໃຫ້ຫຸ້ນສ່ວນ ເພື່ອໃຫ້ການບໍລິການຕ່າງໆ. ຂໍ້ມູນສ່ວນຕົວຂອງທ່ານອາດຈະຖືກທຳການປະມວນຜົນ ເພື່ອຈຸດປະສົງສະເພາະ, ບົ່ງບອກແຈ້ງ, ແລະ ທາງກົດໝາຍ, ແລະ ມີພຽງແຕ່ຂໍ້ມູນທີ່ຈຳເປັນເພື່ອໃຫ້ການບໍລິການເທົ່ານັ້ນທີ່ຈະຖືກນຳໄປເປີດເຜີຍ. ບັນດາສາຂາ ຫຼື ຫຸ້ນສ່ວນຂອງ Huawei ບໍ່ມີສິດທີ່ຈະໃຊ້ຂໍ້ມູນສ່ວນຕົວທີ່ແຊຣ໌ໃຫ້ນັ້ນເພື່ອຈຸດປະສົງອື່ນໃດໄດ້.
4) ການເປີດເຜີຍຫຼັກຖານທາງກົດໝາຍ ຫຼື ຕາມເຫດຜົນ: Huawei ອາດຈະເປີດເຜີຍຂໍ້ມູນສ່ວນຕົວຂອງທ່ານ ຖ້າກົດໝາຍ, ການຮ້ອງຟ້ອງທາງກົດໝາຍ, ການຮ້ອງຟ້ອງ, ຫຼື ອຳນາດການປົກຄອງຂອງລັດ ແລະ ລັດຖະບານຮຽກຮ້ອງ. ຢູ່ໃນບາງອຳນາດສານ, ຂໍ້ມູນສ່ວນຕົວຂອງທ່ານອາດຈະຖືກເປີດເຜີຍໃຫ້ຝ່າຍດຳເນີນການນຳອີກ ຖ້າ Huawei ມີສ່ວນພົວພັນຢູ່ໃນອົງການຈັດຕັ້ງ, ການຄວບກິດຈະການ, ຫຼື ການຮ້ອງຟ້ອງລົ້ມລະລາຍ ແລະ ການຊຳລະໜີ້ສິນ. Huawei ຍັງອາດຈະເປີດເຜີຍຂໍ້ມູນຂອງທ່ານໃນບ່ອນທີ່ເຫັນໄດ້ວ່າມີຄວາມຈຳເປັນຕາມເຫັນສົມຄວນເຊັ່ນ: ເພື່ອບັງຄັບໃຊ້ຂໍ້ກຳນົດ ແລະ ເງື່ອນໄຂຂອງຕົນເອງ ແລະ ເພື່ອປົກປ້ອງລູກຄ້າຂອງຕົນເອງ.
ພາຍໃຕ້ຂໍ້ກຳນົດ ແລະ ເງື່ອນໄຂຂອງ Huawei, ທ່ານສາມາດຈັດການຂໍ້ມູນສ່ວນຕົວຂອງທ່ານໃນເວລາໃດກໍ່ໄດ້ເຊັ່ນ: ຂໍ້ມູນບັນຊີຂອງທ່ານ. ທ່ານຕ້ອງຮັບປະກັນວ່າ ທຸກຂໍ້ມູນສ່ວນຕົວທີ່ສົ່ງໄປນັ້ນມີຄວາມຖືກຕ້ອງ. Huawei ຈະໃຊ້ຄວາມພະຍາຍາມທີ່ສົມເຫດສົມຜົນ ເພື່ອຮັກສາຂໍ້ມູນສ່ວນຕົວຂອງທ່ານໃຫ້ມີຄວາມຖືກຕ້ອງ, ຄົບຖ້ວນ, ແລະ ມີການອັບເດດ.
ທ່ານມີສິດເຂົ້າເບິ່ງຂໍ້ມູນສ່ວນຕົວຂອງທ່ານໄດ້, ໂດຍມີເງື່ອນໄຂຕາມການຍົກເວັ້ນທາງກົດໝາຍບາງອັນ. ໃນບ່ອນທີ່ກົດໝາຍວ່າດ້ວຍຄວາມເປັນສ່ວນຕົວ ແລະ ຂໍ້ມູນມີຄວາມແຕກຕ່າງຢູ່ໃນບາງອຳນາດສານ, ພວກເຮົາຈະປະຕິບັດຕາມພວກມັນນັ້ນ. ຖ້າທ່ານຢາກຈະນຳໃຊ້ສິດຂອງທ່ານ ເພື່ອເຂົ້າຫາຂໍ້ມູນ, ກະລຸນາແຈ້ງໃຫ້ພວກເຮົາຮູ້ໂດຍທາງອີເມວໄດ້ທີ່ consumer_privacy@huawei.com. ເພື່ອເຫດຜົນທາງດ້ານຄວາມປອດໄພ, ທ່ານອາດຈະຕ້ອງໄດ້ເຮັດການສະເໜີຂອງທ່ານເປັນລາຍລັກອັກສອນ.
ທ່ານຍັງອາດຈະມີສິດລຶບ ຫຼື ດັດແປງຂໍ້ມູນສ່ວນຕົວໃດໜຶ່ງກ່ຽວກັບທ່ານທີ່ພວກເຮົາເກັບໄວ້ໄດ້. Huawei ຈະລຶບ ຫຼື ດັດແປງຂໍ້ມູນດັ່ງກ່າວຕາມຄຳຂໍຂອງທ່ານ. ເພື່ອເຮັດຄຳຂໍດັ່ງກ່າວ, ທ່ານສາມາດຕິດຕໍ່ພວກເຮົາໄດ້ໂດຍທາງອີເມວທີ່ consumer_privacy@huawei.com. ພວກເຮົາອາດຈະປະຕິເສດທີ່ຈະດຳເນີນການຄຳຂໍຂອງທ່ານກໍ່ໄດ້ ຖ້າພວກເຮົາມີພື້ນຖານທີ່ມີເຫດຜົນພຽງພໍທີ່ເຊື່ອວ່າ ຄຳຂໍນັ້ນເຮັດຂຶ້ນມາດ້ວຍຄວາມບໍ່ຈິງໃຈ, ບໍ່ສາມາດປະຕິບັດໄດ້, ຫຼື ຖ້າບໍ່ຈຳເປັນຕ້ອງມີການເຂົ້າຫາຕາມກົດໝາຍທ້ອງຖິ່ນ.
Huawei ເອົາໃຈໃສ່ເລື່ອງຄວາມປອດໄພຂໍ້ມູນສ່ວນຕົວຢ່າງຈິງຈັງ ພວກເຮົາປະຕິບັດຕາມຫຼັກປະຕິບັດທາງດ້ານມາດຕະຖານອຸດສາຫະກຳ ເພື່ອຄຸ້ມກັນຂໍ້ມູນສ່ວນຕົວຂອງທ່ານບໍ່ໃຫ້ມີການເຂົ້າຫາ, ເປີດເຜີຍ, ໃຊ້, ດັດແປງ, ເຮັດໃຫ້ເກີດຄວາມເສຍຫາຍ, ຫຼື ເຮັດໃຫ້ເສຍໄປໂດຍບໍ່ໄດ້ຮັບອະນຸຍາດ. ພວກເຮົາໃຊ້ທຸກຂັ້ນຕອນທີ່ສາມາດປະຕິບັດໄດ້ຕາມເຫດຜົນອັນສົມຄວນ ເພື່ອປົກປ້ອງຂໍ້ມູນສ່ວນຕົວຂອງທ່ານ. ຕົວຢ່າງ, ພວກເຮົາໃຊ້ການໃສ່ລະຫັດ ເພື່ອຮັບປະກັນຄວາມລັບຂອງຂໍ້ມູນ; ພວກເຮົາໃຊ້ກົນໄກການປົກປ້ອງທີ່ເຊື່ອຖືໄດ້ ເພື່ອປົກປ້ອງຂໍ້ມູນຈາກການໂຈມຕີປອງຮ້າຍ; ພວກເຮົາກະຈາຍກົນໄກການຄວບຄຸມການເຂົ້າເບິ່ງ ເພື່ອຮັບປະກັນໃຫ້ແຕ່ບຸກຄົນທີ່ໄດ້ຮັບອະນຸຍາດເທົ່ານັ້ນທີ່ສາມາດເຂົ້າຫາຂໍ້ມູນສ່ວນຕົວ; ແລະ ພວກເຮົາສ້າງຈິດສຳນຶກໃຫ້ແກ່ບັນດາພະນັກງານກ່ຽວກັບຄວາມສຳຄັນຂອງການປົກປ້ອງຂໍ້ມູນສ່ວນຕົວຜ່ານການດຳເນີນການຝຶກອົບຮົມການປົກປ້ອງຄວາມເປັນສ່ວນຕົວ ແລະ ຄວາມປອດໄພ.
ພວກເຮົາໃຊ້ທຸກຂັ້ນຕອນທີ່ສາມາດປະຕິບັດໄດ້ ເພື່ອເກັບເອົາຂໍ້ມູນສ່ວນຕົວທີ່ກ່ຽວຂ້ອງເທົ່ານັ້ນ. ພວກເຮົາເກັບຮັກສາຂໍ້ມູນສ່ວນຕົວຂອງທ່ານໄວ້ເປັນເວລາທີ່ເທົ່ານັ້ນ ເພື່ອໃຫ້ບັນລຸຕາມຈຸດປະສົງທີ່ໄດ້ກ່າວໄວ້ໃນນະໂຍບາຍນີ້, ນອກຈາກວ່າມີຄວາມຈຳເປັນຕ້ອງໄດ້ເກັບໄວ້ເປັນໄລຍະເວລາດົນກວ່າ ຫຼື ກົດໝາຍອະນຸຍາດໃຫ້ເກັບໄວ້. ໃນຂະນະທີ່ພວກເຮົາໃຊ້ການດູແລສູງສຸດເພື່ອປົກປ້ອງຂໍ້ມູນສ່ວນຕົວຂອງທ່ານ, ກະລຸນາຈື່ໄວ້ວ່າ ບໍ່ມີມາດຕະການຄວາມປອດໄພໃດທີ່ຈະເຊື່ອຖືໄດ້ທັງໝົດ.
ຜະລິດຕະພັນ, ເວັບໄຊທ໌, ແລະ ການບໍລິການຂອງພວກເຮົາແມ່ນຕົ້ນຕໍເນັ້ນໃສ່ຜູ້ໃຫຍ່ນຳໃຊ້. ບໍ່ອະນຸຍາດໃຫ້ເດັກນ້ອຍສ້າງບັນຊີຂອງເຂົາເຈົ້າ ໂດຍບໍ່ມີຄຳຍິນຍອມຂອງພໍ່ແມ່ ຫຼື ຜູ້ປົກຄອງ. ໃນບ່ອນທີ່ໄດ້ມີການເກັບເອົາຂໍ້ມູນສ່ວນຕົວຂອງເດັກໂດຍມີຄຳຍິນຍອມຂອງພໍ່ແມ່, ພວກເຮົາຈະໃຊ້ ຫຼື ເປີດເຜີຍຂໍ້ມູນນີ້ພຽງແຕ່ຖ້າກົດໝາຍອະນຸຍາດ, ຖ້າພໍ່ແມ່ ຫຼື ຜູ້ປົກຄອງໃຫ້ການອະນຸຍາດຈະແຈ້ງ, ຫຼື ຖ້າມີຄວາມຈຳເປັນ ເພື່ອປົກປ້ອງເດັກນ້ອຍເທົ່ານັ້ນ. ເຖິງແມ່ນວ່າ ຄຳນິຍາມຂອງຄຳວ່າເດັກອາດຈະມີຄວາມແຕກຕ່າງໄປຕາມກົດໝາຍທ້ອງຖິ່ນ ແລະ ປະເພນີ, ພວກເຮົາພິຈາລະນາວ່າ ບຸກຄົນໃດກໍ່ຕາມທີ່ມີອາຍຸຕ່ຳກວ່າ 13 ປີ ແມ່ນຖືວ່າເປັນເດັກນ້ອຍ.
ຖ້າ Huawei ຮູ້ວ່າ ຕົນເອງໄດ້ເກັບເອົາຂໍ້ມູນສ່ວນຕົວຂອງເດັກໂດຍບໍ່ໄດ້ຮັບຄຳຍິນຍອມຂອງພໍ່ແມ່ມາກ່ອນທີ່ສາມາດກວດສອບໄດ້, ມັນຈະໃຊ້ຂັ້ນຕອນຕ່າງໆ ເພື່ອລຶບູ້ນພາຍໃນເວລາໄວທີ່ສຸດທີ່ເປັນໄປໄດ້.
ເພື່ອຮັບປະກັນໃຫ້ປະສົບການທ່ອງເວັບເປັນໄປດ້ວຍດີ, ທ່ານອາດຈະໄດ້ຮັບເນື້ອໃນ ຫຼື ລິ້ງຂອງເວັບຈາກບຸກຄົນທີສາມທາງນອກທີ່ຮັບໃຊ້ Huawei ແລະ ຫຸ້ນສ່ວນຂອງພວກເຮົາ ("ບຸກຄົນທີສາມ"). Huawei ບໍ່ມີການຄວບຄຸມຕໍ່ກັບບຸກຄົນທີສາມດັ່ງກ່າວ. ທ່ານສາມາດເລືອກວ່າຈະເຂົ້າຫາລິ້ງ, ເນື້ອໃນ, ຜະລິດຕະພັນ ແລະ ການບໍລິການທີ່ບຸກຄົນທີສາມສະເໜີໃຫ້ນັ້ນຫຼືບໍ່ກໍ່ໄດ້.
Huawei ບໍ່ມີການຄວບຄຸມຕໍ່ນະໂຍບາຍປົກປ້ອງຂໍ້ມູນ ແລະ ຄວາມເປັນສ່ວນຕົວຂອງບຸກຄົນທີສາມ, ເຊິ່ງບໍ່ຢູ່ພາຍໃຕ້ການຄຸ້ມຄອງຂອງນະໂຍບາຍນີ້. ກ່ອນສົ່ງຂໍ້ມູນສ່ວນຕົວຂອງທ່ານໄປໃຫ້ກັບບຸກຄົນທີສາມ, ກະລຸນາເບິ່ງນະໂຍບາຍການປົກປ້ອງຄວາມເປັນສ່ວນຕົວແຕ່ລະອັນຂອງເຂົາເຈົ້າ.
ຜະລິດຕະພັນ ແລະ ການບໍລິການຂອງ Huawei ແມ່ນໄດ້ສົ່ງຜ່ານສື່ ແລະ ເຊີເວີຕ່າງໆທີ່ຕັ້ງຢູ່ທົ່ວໂລກ. ອັນນີ້ໝາຍຄວາມວ່າ ຂໍ້ມູນສ່ວນຕົວຂອງທ່ານອາດຈະຖືກໂອນໄປ ຫຼື ເຂົ້າຫາໄດ້ຈາກຂົງເຂດອຳນາດສານອື່ນ ເຊິ່ງຢູ່ນອກປະເທດບ່ອນທີ່ທ່ານໃຊ້ຜະລິດຕະພັນ ແລະ ການບໍລິການຂອງພວກເຮົາ. ຂົງເຂດອຳນາດສານເຫຼົ່ານີ້ອາດຈະມີກົດໝາຍປົກປ້ອງຂໍ້ມູນທີ່ແຕກຕ່າງ, ຫຼື ອາດຈະບໍ່ກົດໝາຍດັ່ງກ່າວຢູ່ແລ້ວກໍ່ໄດ້. ຢູ່ໃນບັນດາກໍລະນີດັ່ງກ່າວ, Huawei ຈະຮັບປະກັນໃຫ້ມີການປົກປ້ອງລະດັບທີ່ພຽງພໍ ແລະ ຄ້າຍຄືກັນນັ້ນໄດ້ຮັບການຈັດຫາໃຫ້ກັບຂໍ້ມູນຂອງທ່ານຕາມທີ່ລະບຽບກົດໝາຍກຳນົດໄວ້. ຕົວຢ່າງ, Huawei ອາດຈະຂໍຄຳຍິນຍອມຂອງທ່ານ ເພື່ອໂອນຂໍ້ມູນສ່ວນຕົວຂ້າມແດນ, ຫຼື ດຳເນີນມາດຕະການຄວາມປອດໄພເຊັ່ນ ການເຮັດໃຫ້ຂໍ້ມູນນິລິນາມກ່ອນຈະໂອນຂໍ້ມູນຂ້າມແດນ.
Huawei ສະງວນສິດຂອງຕົນເອງທີ່ຈະປັບປຸງ ແລະ ແກ້ໄຂນະໂຍບາຍນີ້ຄັ້ງແລ້ວຄັ້ງອີກ. Huawei ຈະແຈ້ງໃຫ້ທ່ານຮູ້ກ່ຽວກັບການປ່ຽນແປງຕ່າງໆຜ່ານຊ່ອງທາງຕ່າງໆ. ໃນບ່ອນທີ່ໄດ້ມີການປ່ຽນແປງຕໍ່ນະໂຍບາຍຂອງພວກເຮົາ, ພວກເຮົາຈະໂພສທ໌ນະໂຍບາຍວ່າດ້ວຍຄວາມສ່ວນຕົວທີ່ປັບປຸງແລ້ວນັ້ນລົງໃນເວັບໄຊທ໌ຂອງພວກເຮົາທີ່ (http://consumer.huawei.com). ພວກເຮົາຍັງອາດຈະອອກແຈ້ງການແຍກຕ່າງຫາກໃຫ້ແກ່ທ່ານ (ຕົວຢ່າງ ການແຈ້ງທາງອີເລັກໂທຣນິກ) ແຈ້ງໃຫ້ທ່ານຊາບກ່ຽວກັບການປ່ຽນແປງໃດໜຶ່ງໃນນະໂຍບາຍວ່າດ້ວຍຄວາມເປັນສ່ວນຕົວຂອງພວກເຮົາ.
ກະລຸນາຈື່ໄວ້ວ່າ ຂໍ້ມູນສ່ວນຕົວຢູ່ພາຍໃນຂອບເຂດຂອງການບໍລິການຄລາວລູກຄ້າ Huawei ກ່ຽວກັບບຸກຄົນຜູ້ທີ່ດຳລົງຊີວິດຢູ່ໃນປະເທດສະມາຊິກຂອງຂົງເຂດເສດຖະກິດເອີຣົບ (EEA) ຫຼື ສະວິດເຊີແລນ, ອາລບານີ, ແອນດໍຣາ, ບອສເນຍ, ເກາະຟາໂຣ, ຈິລບຣາລຕາ, ມາເຊໂດເນຍ, ມອນໂດວາ, ມໍນາໂຄ, ມອນເຕເນໂກ, ຊານມາຣິໂອ, ເຊີເບຍ, ວາຕິກັງ, ຍີປຸ່ນ, ເກົາຫຼີ, ສະຫະລັດອາເມຣິກາ, ການາດາແມ່ນຢູ່ພາຍໃຕ້ການຄວບຄຸມຂອງບໍລິສັດ Huawei Technologies Deutschland, GmbH. ເຖິງແນວໃດກໍ່ຕາມ, ຮ້ານຄ້າ Huawei ອອນລາຍຢູ່ທີ່ www.hihonor.com/us ແມ່ນຢູ່ພາຍໃຕ້ການຄວບຄຸມຂອງບໍລິສັດ Huawei Device USA, Inc.
ຖ້າທ່ານມີຄຳຖາມ, ຄຳເຫັນ, ຫຼື ຄຳແນະນຳ, ກະລຸນາຕິດຕໍ່ພວກເຮົາໂດຍທາງອີເມວທີ່ consumer_privacy@huawei.com ຫຼື ສົ່ງມັນມາໃຫ້ຫ້ອງການປະຈຳສະໜາມທົ່ວໂລກບ່ອນໃດໜຶ່ງຂອງພວກເຮົາໄດ້. ສຳລັບລາຍຊື່ທີ່ຕັ້ງຫ້ອງການຂອງພວກເຮົາຄົບຖ້ວນນັ້ນ, ກະລຸນາເຂົ້າເບິ່ງ
http://www.huawei.com/en/contact-us
ແຈ້ງການສຳຄັນ: ນະໂຍບາຍວ່າດ້ວຍຄວາມເປັນສ່ວນຕົວຂອງ Huawei ສະບັບພາສາທ້ອງຖິ່ນອາດຈະແຕກຕ່າງກັນໄປຈາກສະບັບນີ້ ເນື່ອງຈາກກົດໝາຍຂອງທ້ອງຖິ່ນ ແລະ ຄວາມແຕກຕ່າງຂອງພາສາ. ໃນບ່ອນທີ່ເກີດມີຄວາມແຕກຕ່າງນັ້ນ, ສະບັບພາສາທ້ອງຖິ່ນຈະມີນ້ຳໜັກເໜືອກວ່າ.
ອັບເດດຫຼ້າສຸດ: ກັນຍາ 2016
ລິຂະສິດ © Huawei Device Co., Ltd. 2016. ສະຫງວນລິຂະສິດ.